TDT Müsəlmanları Dini Şurası sədrlərinin toplantısına hazırlıq müzakirə edilib
Türk Dövlətləri Təşkilatının (TDT) Baş katibi Kubanıçbek Ömüraliyev Qırğızıstan Müsəlmanları İdarəsinin Katibliyində bu ölkənin Müsəlmanları Ruhani İdarəsinin rəhbəri Əbdüləziz Zakirovu qəbul edib. Bu barədə TDT-dən bildirilibn.
Görüşdə tərəflər TDT-nin Müsəlman Dini İdarələri Rəhbərləri Şurasının nəzdində fəaliyyət göstərən Fətva Komitəsinin fəaliyyəti ilə bağlı fikir mübadiləsi aparıblar.
Tərəflər komitənin dini dialoqun təşviqində, üzv dövlətlər arasında fətvaların uyğunlaşdırılmasında və türk dünyasında dini məsələlər üzrə əməkdaşlığın gücləndirilməsində rolunu vurğuladılar.
Həmçinin Türk dövlətləri arasında din sahəsində əməkdaşlığın inkişaf etdirilməsinin vacibliyi vurğulanıb. Eyni zamanda 2025-ci ilin sentyabrında Qırğızıstanda keçirilməsi planlaşdırılan TDT Müsəlmanları Dini Şurası sədrlərinin toplantısına hazırlıq müzakirə edilib.
Tərəflər türk dövlətlərindəki müsəlman icmaları arasında birlik və həmrəyliyin vacibliyini vurğulayaraq, dini qurumlar arasında əlaqələri daha da gücləndirmək və dini məsələlərdə əməkdaşlığı artırmaq əzmində olduqlarını təsdiqləyiblər. (report)
08:55 26.02.2025
Oxunuş sayı: 806
