Qəzzada azad edilmiş girovlara HƏMAS-dan “xatirə hədiyyələri” verilib
Yanvarın 19-da Qəzza bölgəsində 470 günlük girovluqdan azad edilmiş üç israilli Fələstinin HƏMAS hərəkatından “hədiyyə” paketləri alıblar. Müvafiq görüntülər sosial şəbəkələrdə yayılıb.
Yerli media qeyd edib ki, HƏMAS-ın hərbi qanadının simvolları olan kağız paketlərdə “hədiyyələr və suvenirler”, o cümlədən Qəzza mənzərələri olan açıqcalar olub. Bundan başqa, qadınlara “hədiyyə dəstinə” daxil olan “azadlıq sertifikatları” da təqdim edilib.
Videoda azad edilmiş girovların Qəzza bölgəsini tərk etmək üçün avtomobilə mindiyi an əks olunub. Görüntülərdə qadınlara ərəb və ivrit dilində mətnləri olan suvenirlər və sertifikatlar təqdim edildiyi, onların da bunları nəzakətlə qəbul edərək kamera qarşısında qısa müddət təbəssümlə pozalar verdiyi görünür. (report)
00:58 20.01.2025
Oxunuş sayı: 7370
