Əsədin media ofisi rəhbərinin mübahisəli açıqlamaları
Suriyanın devrilmiş prezidenti Bəşər Əsədin media ofisinin rəhbəri Kamil Səqərin Suriyanın əvvəlki hökumətinin devrilməsi ilə bağlı mübahisəli açıqlamaları yayılıb.
"Mehr" xəbər ajansı yazır ki, Kamil Səqər deyib: "Bəşar Əsəd Moskvadan İranın hərbi yardımını Suriya ordusuna ötürmək üçün Hmeymim aviabazasından istifadəyə icazə verməsini xahiş etmişdi. Amma Rusiya bu istəyə müsbət cavab vermədi!
İranlılar Bəşər Əsədə İran təyyarələrinin Hmeymim bazasına köçürülməsi, İraq və Suriya səmalarını keçməsi üçün heç bir razılıq almadıqlarını bildirmişdilər.
Bəşər Əsədin Dəməşqin süqutundan əvvəl (8 dekabr) Rusiyaya son səfəri heç bir nəticə vermədi və Əsəd üç gün ərzində Rusiya prezidenti Vladimir Putinlə birbaşa əlaqə qura bilmədi.
İran Əsədə məlumat vermişdi ki, Birləşmiş Ştatlar İraq səmasını keçərək Hmeymim bazasına doğru hərəkət edən istənilən İran təyyarəsini vurmaqla hədələyib".
01:27 06.01.2025
Oxunuş sayı: 13824
