Tel Abyaddan olan tayfalar PKK/YPG işğalına qarşı Suriyanın yeni administrasiyadan dəstək istəyib
Türkiyə Silahlı Qüvvələrinin (TSK) Suriya Milli Ordusu ilə birgə həyata keçirdiyi “Barış pınarı” əməliyyatı ilə terror təşkilatı PKK/YPG-dən azad edilən Tel Abyad rayonunda bir araya gələn tayfalar işğal altındakı torpaqların azad edilməsini tələb ediblər.
Qəbilələrin verdiyi açıqlamada Rakka, Deyr əz-Zor və Həsəkə bölgəsində insanların çətin şəraitdə yaşadığı, PKK/YPG terrorçularının bölgədə təhlükəsizlik və humanitar vəziyyəti daha da pisləşdirdiyi vurğulanıb.
Açıqlamada bildirilib ki, terrorçuların rayon əhalisini, o cümlədən uşaqları zorla saxlama, köçürmə və zorla cəlb etmə əməlləri bölgəyə dağıntılar gətirib. “Minlərlə vətəndaş evlərini və torpaqlarını itirib, ailələri qaçqın vəziyyətinə düşüb. Bu vaxt quldur dəstələri bölgədəki sərvətləri oğurlayıb, xalqı yoxsulluğa sürükləyirlər” - bəyanatda deyilir.
Açıqlamada terror təşkilatının xalqın əzabını daha da dərinləşdirdiyi və onların geri qayıtma cəhdlərinin qarşısını aldığı vurğulanıb: "Biz beynəlxalq koalisiyadan bu qəddar silahlılara qarşı ciddi, çəkindirici mövqe tutmasını, onların işğalına son qoymasını və insanların sağ-salamat öz evlərinə qayıtmasını təmin etməyi tələb edirik. Bu cür dəstək Suriyada dövlətin yenidən qurulması səylərini gücləndirəcək və sabitliyin artırılmasına xidmət edəcək. Biz Suriya hökumətindən xalqı adından tələb edirik. Onlarla hər hansı danışıqlar cəhdi rədd edilsin, bütün işğal olunmuş ərazilərin azad edilməsi üçün məsuliyyəti öz üzərinə götürsün".
00:54 04.01.2025
Oxunuş sayı: 8451
