Fələstin Əl-Cəzirə kanalının yayımını dayandırır
Fələstinin rəsmi xəbər agentliyi WAFA bildirib ki, Fələstin hakimiyyəti Qətər mərkəzli Əl-Cəzirə Media Şəbəkəsinin Fələstində yayım fəaliyyətini dayandırıb. Məlumata görə, mədəniyyət, daxili işlər və telekommunikasiya nazirliklərinin nümayəndələrindən ibarət Fələstin Nazirlər Komitəsi “bütün jurnalistlərin, əməkdaşların və Əl-Cəzirə ilə əlaqəli kanalların işini müvəqqəti dayandırmağı əmr edib”.
Bu qərar Əl-Cəzirə telekanalının “təhrikedici məzmun yayımlamaq, dezinformasiya yaymaq və Fələstinin daxili işlərinə müdaxilə etməklə” “parçalanma və qeyri-sabitliyi qızışdırdığı” üçün “Fələstin qanun və qaydalarını dəfələrlə pozması” səbəbindən verilib.
“Qərar şəbəkə öz hüquqi statusunu həll edənə qədər qüvvədə qalacaq”, - məlumatda deyilir.
Qeyd edək ki, Əl-Cəzirə İordan çayının qərb sahilindəki Cenin şəhərində Fələstin təhlükəsizlik qüvvələri ilə yaraqlılar arasında baş verən toqquşmaları işıqlandırdığı üçün Fəth-lə gərginlik yaşamaqdadır.
05:29 02.01.2025
Oxunuş sayı: 17312
