Monteneqroda atışma nəticəsində azı 10 nəfər ölüb, 4 nəfər yaralanıb
Çərşənbə günü Monteneqronun qərbindəki bir şəhərdə bardakı davadan sonra baş verən atışmada ikisi uşaq olmaqla azı 10 nəfər ölüb, dörd nəfər yaralanıb. Polis hücum edənin 45 yaşlı Ako Martinoviç olduğunu müəyyən edib. Ölkənin daxili işlər naziri Danilo Saranoviç daha sonra RTCG dövlət televiziyasına bildirib ki, silahlı şəxs özünü güllələyərək xəstəxanaya aparılarkən aldığı xəsarətlərdən ölüb.
"Silahlı şəxs Çetinye şəhərindəki barın sahibini, bar sahibinin uşaqları və öz ailə üzvlərini qətlə yetirib", Şaranoviç mətbuat konfransında bildirib: “Qəzəb və qəddarlığın səviyyəsi göstərir ki, bəzən belə insanlar... mütəşəkkil cinayətkar dəstələrin üzvlərindən daha təhlükəlidirlər”.
Polis komissarı Lazar Scepanovic deyib ki, dava başlayanda Martinoviç bütün gün ərzində digər qonaqlarla birlikdə barda olub. Onun sözlərinə görə, Martinoviç daha sonra evə gedib, silahı gətirib və axşam saat 17.30 radələrində atəş açıb. "O, barda dörd nəfəri öldürdü, sonra daha üç yerdə atəş açmağa davam etdi", Scepanovic deyib. “O, daha dörd nəfəri də öldürməyə çalışdı, sonra isə avtomobillə qaçdı.
Onun sözlərinə görə, şübhəli şəxs 2005-ci ildə zorakılıq davranışına görə şərti cəza alıb və qanunsuz silah saxlamağa görə son hökmündən apellyasiya şikayəti verib. Monteneqro mediası onun qeyri-sabit və zorakı davranışları ilə tanındığını bildirib.
Prezident Yakov Milatoviç faciədən "şok və məəttəl qaldığını" söylədi. "Bayram sevinci əvəzinə... bizi günahsız insanların itkisinə görə kədər bürüdü" yazmaqla X hesabında paylaşım edib.
Baş nazir Milojko Spajić yaralıların müalicə olunduğu xəstəxanaya gedib və üç günlük matəm elan edib. O, "Bu, hamımıza təsir edən dəhşətli faciədir" dedi.
Polis cinayətkar dəstələr arasında toqquşmanın baş verə biləcəyini istisna edərək, sakinləri sakit olmağa və evdə qalmağa çağırıb.
03:16 02.01.2025
Oxunuş sayı: 7237
