Zoran Milanoviç prezident seçkilərində qalib gəlir
Xorvatiyanın hazırkı Prezidenti Zoran Milanoviç prezident seçkilərinin birinci turunda əhəmiyyətli fərqlə liderlik edir. Bu barədə Qərb mediası ekzit-poll nəticələrinə istinadən məlumat yayıb. Bildirilib ki, beləliklə, o, prezident postunu qoruyub saxlamağa yaxındır.
Məlumata əsasən, Milanoviç hazırda səslərin 51,48 %-ni toplayır, onun əsas siyasi rəqibi, hakim “Xorvatiya Demokratik Birliyi” partiyasının dəstəklədiyi müstəqil namizəd Draqan Primoraç isə səslərin 19,29 %-ni qazanır.
Prezident seçkilərində ümumilikdə 8 namizəd iştirak edib.
Qeyd edək ki, Xorvatiyada bazar günü keçirilmiş prezident seçkilərində səsvermə yerli vaxtla saat 19:00-da (Bakı vaxtı ilə 22:00) səsvermə məntəqələrinin bağlanması ilə başa çatıb və səslərin hesablanmasına başlanılıb.
01:48 30.12.2024
Oxunuş sayı: 3582
