Hadisə

MEK-in “İnformasiya bülleteni”nin 2026-ci il üzrə ilk sayı nəşr olunub

Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) 2026-ci il üzrə ilk “İnformasiya bülleteni” çapdan çıxıb.

Nəşrdə 2026-ci ilin birinci rübündə MEK fonduna daxil olan Azərbaycan, rus, ingilis və digər dillərdə kitablar, dövri nəşrlər, avtoreferatların biblioqrafik mənbələri haqqında məlumatlar əks olunub.

AMEA-nın "Elm" nəşriyyatında çap olunan nəşrin elmi redaktoru MEK-in direktoru texnika elmləri doktoru, dosent Hüseyn Hüseynovdur.

Bülletenə, BDU-nun İnformasiya və sənəd menecmenti fakültəsinin dosenti, tarix üzrə fəlsəfə doktoru Solmaz Sadıqovanın “Biblioqrafik resursların sənəd menecmentində rolu: (“Qarabağ müharibəsi qəhrəmanları fondu” nümunəsində) adlı elmi məqaləsi də daxil edilib.

Bülletenin sonunda 2026-ci ilin yanvar-mart aylarında keçirilən tədbirlərin xronikası yer alıb. Tədbirlərlə bağlı ətraflı materiallara keçidlər isə müvafiq QR-kodlar vasitəsilə təqdim olunub.

🖨 Çap et

16:29 24.04.2026

Oxunuş sayı: 61