Sumqayıtda partlayış zamanı xəsarət alan şəxslərdən biri ölüb
Dekabrın 3-də Sumqayıtda baş verən partlayışda xəsarət alan şəxslərdən biri ölüb. Sumqayıt Tibb Mərkəzindən bildirilib ki, 1977-ci il təvəllüdlü Ramin Əliyev ötən gün saat 21 radələrində ölüb. Digər xəsarət alan 2007-ci il (kişi) şəxsin müalicəsi Sumqayıt Tibb Mərkəzinin 2 nömrəli Xəstəxanasında davam etdirilir. Onun vəziyyəti ağır olaraq qalır.
Sumqayıt Şəhər İcra Hakimiyyətindən verilən məlumata görə, partlayışın nəticələrinin aradan qaldırılması məqsədilə hadisə yerində bərkitmə işləri davam edir. Təhlükəsizlik tədbirləri tam şəkildə həyata keçirildikdən sonra digər iki blokun sakinlərinin mənzillərdə məskunlaşması məsələlərinə baxılacaq. Qəza baş verən girişlə bağlı isə aidiyyəti qurumların mütəxəssislərinin araşdırmaları nəticəsində yekun qərar qəbul ediləcək.
Qeyd edək ki, bina 6 girişdən ibarətdir. 3 girişdə sakinlərin məskunlaşması artıq təmin olunub.
00:29 08.12.2024
Oxunuş sayı: 9465
