"Qarabağ" uduzdu - qatar "Nəriman" ov stansiyasından depoya gedir vaqonları tərk edin
"Qarabağ" azarkeşləri gözləntilərini bir daha doğrulda bilmədi. Matç 4-2 hesabı ilə "Ayaks"ın xeyrinə bitdi və sosial media arenası bir anda "Qarabağ" fanatlarının etiraz sədaları ilə doldu. Futbol klubunun rəsmi Instagram paylaşımı yalnız 20 dəqiqə ərzində 13 mindən çox rəy aldı – və demək olar ki, hər bir rəy eyni mətni təkrarlayır: “Nəriman Axundzadə getməlidir!”
Azarkeşlər sosial mediada öz etirazlarını bir az da dramatik formada ifadə edirlər. Hətta bəzi fanatlar matçın məğlubiyyət səbəblərini yalnız Nəriman Axundzadə də yox onu oyundan uzaqlaşdırmayan Qurban Qurbanovda da görür.
Sosial mediada azarkeşlərin tələbləri daha da sərtləşib: “Tez bir zamanda Nəriman Axundzadəni komandadan uzaqlaşdırın!” deyə postlar, şərhlər və hətta meme-lər yayımlanır. Maraqlısı budur ki, hər bir rəy, şikayət və satirik paylaşım, azarkeşlərin “komandaya sevgi + qəzəb = tələb” düsturunun canlı nümunəsi kimi görünür.
Belə görünür ki, "Qarabağ" yalnız meydanda yox, sosial media arenasında da ciddi sınaqdan keçib. Azarkeşlər isə komandalarını tənqid etməklə bərabər, bir növ “məşqçi və menecer performansını qiymətləndirmə” funksiyasını icra edirlər. Və nəticə eynidir: Nəriman Axundzadə hər paylaşımın ortasında, Qurban Qurbanov isə bəzən səbəbkarın “kollektiv üzvü” kimi göstərilir. Lakin Qurban Qurbanovun danılmaz əməyini və komanda üçün xidmətini də danmaq düzgün olmaz. Bu matç da belə bitti. Növbəti matçlarda komandamıza uğurlar arzulayırıq.
Ayhan
00:23 11.12.2025
Oxunuş sayı: 9364
