Tallində Zəfər və Bayraq günlərinə həsr olunmuş silsilə tədbirlər keçirilib
“Birlik” Estoniya Azərbaycan İcmasının təşkilatçılığı ilə Tallin şəhərində Zəfər və Bayraq günlərinə həsr olunmuş silsilə tədbir keçirilib. İcmadan bildirilib ki, Tallin Universitetinin nəzdində fəaliyyət göstərən Azərbaycan Həftəsonu Məktəbində şanlı Qələbəmizə həsr olunan uşaqlar üçün Zəfər Günü ilə bağlı dərs təşkil edilib. Uşaqlara zəfərimizin tarixi barədə məlumatlar verilib və Azərbaycan mövzusunda kiçik viktorina təşkil olunub.
Şanlı qələbəmizə həsr olunan dərs Zəfər və Bayraq günlərinin təntənəli təqdimatları ilə davam etdirilib. Tədbiri İcmanın idarə heyətinin üzvləri Sənəm Əli və Zakir Miriyev açaraq şanlı Zəfərin tarixi əhəmiyyətintən danışıblar.
Tədbir iştirakçıları qəhrəman şəhidlərimizin xatirəsini bir dəqiqəlik sükutla anıblar.
Mərasimi bədii hissəsində Estoniyada doğulub böyüyən azərbaycanlı uşaqların ifasında konsert proqramı təqdim olunub. Uşaqlar Azərbaycana həsr olunan şeirlər və mahnılar səsləndiriblər.
Sonda “Azərbaycan” mahnısının sədaları altında Zəfər Günü tortu kəsilib.
Tədbirdə Azərbaycan icmasının nümatəndələri və digər qonaqlar iştitak ediblər.
23:37 09.11.2025
Oxunuş sayı: 1380
