Hadisə
YAP Yasamal rayon təşkilatında “Konstitusiya və Suverenlik-Milli İradənin Təntənəsi” mövzusunda tədbir keçirilib
Yeni Azərbaycan Partiyası Yasamal Rayon Təşkilatı, Yasamal Rayon İcra Hakimiyyətinin birgə təşkilatçılığı ilə “Konstitusiya və Suverenlik İli” çərçivəsində “20 Sentyabr- Dövlət Suverenliyi Günü” ilə əlaqədar olaraq “Konstitusiya və Suverenlik-Milli İradənin Təntənəsi” mövzusunda tədbir keçirilib.
YAP Yasamal rayon təşkilatında baş tutan tədbirdə YAP Yasamal rayon təşkilatının sədri Bəxtiyar Nəbiyev, Yasamal Rayon İcra Hakimiyyətinin Başçısı Elşad Həsənov, Yeni Azərbaycan Partiyası İdarə Heyətinin üzvü, Azərbaycan Respublikası Milli Məclisinin deputatı Hikmət Məmmədov, Yeni Azərbaycan Partiyası Veteranlar şurasının üzvü, “91-lər”dən Şahlar Əsgərov, YAP Veteranlar şurasının üzvü Misir Mərdanov, Azərbaycan Respublikası Milli Məclisinin deputatı Mahir Süleymanlı, Azərbaycan Milli Elmlər Akademiyası Azad Həmkarlar İttifaqının sədri Sənan Həsənov, xalq artisti, professor Zamiq Əliyev, Yasamal rayon bələdiyyəsinin sədri Tahir Məmmədov, Yasamal rayonu Mənzil Kommunal Təsərrüfat Birliyinin rəisi Vüsal Hüseynov, YAP Yasamal rayon və Yasamal Rayon İcra Hakimiyyətinin əməkdaşları, YAP Yasamal rayon ərazi partiya təşkilatlarının sədr, sədr müavinləri, rayon ictimaiyyəti və fəal gənclər iştirak edib.
Tədbirin rəsmi hissəsindən öncə tədbir iştirakçıları tərəfindən Yasamal rayonu ərazisində yerləşən Şəhidlərin Xatirə Kompleksi ziyarət olunub, ölkəmizin suverenliyi və ərazi bütövlüyü uğrunda canlarını fəda etmiş şəhidlərimizin əziz xatirələri anılıb. Sonra YAP Yasamal rayon təşkilatının inzibati binasında yerləşən ümummilli lider Heydər Əliyevin büstü önünə tər gül dəstələri düzülüb, əziz xatirəsi dərin ehtiramla yad edilib.
Tədbirdə Azərbaycan Respublikasının Dövlət Himni səsləndirilib. Ulu Öndər Heydər Əliyevin, torpaqlarımızın azadlığı və suverenliyi uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
“Konstitusiya və Suverenlik İli” ilə əlaqədar videoçarx nümayiş edilib.
YAP Yasamal rayon təşkilatının sədri Bəxtiyar Nəbiyev çıxış edərək ilk öncə “Konstitusiya və Suverenlik İli” və onun əhəmiyyəti haqqında məlumat verib. Qeyd olunub ki, dövlət suverenliyi Azərbaycanın mövcudluğunun əsasıdır. Müstəqil dövlətin mövcudluğu yalnız hüquqi sənədlərlə deyil, xalqın siyasi iradəsi, milli həmrəyliyi və institusional davamlılığı ilə təmin olunur. Məhz buna görə də Azərbaycan Respublikasının Prezidenti İlham Əliyev tərəfindən 2024-cü ilin sentyabr ayının 19-da imzalanmış “Azərbaycan Respublikasında Dövlət Suverenliyi Gününün təsis edilməsi haqqında” Sərəncam yalnız bir inzibati akt deyil, tarixi və siyasi mahiyyətinə görə milli dövlətçilik salnaməsinin ən mühüm hadisələrindən biri hesab olunur.Müstəqil Azərbaycan dövlətinin möhkəmlənməsi və suverenlik ideyasının milli ideologiyanın mərkəzinə yerləşdirilməsi Ulu Öndər Heydər Əliyevin tarixi xidmətləri ilə bilavasitə bağlıdır. 1993-cü ildə xalqın təkidli tələbi ilə yenidən hakimiyyətə qayıdan ümummilli lider Heydər Əliyev Azərbaycanı xaosdan, parçalanma və dövlətçiliyin süqutu təhlükəsindən xilas edərək suverenliyin real məzmununu təmin etdi. Onun rəhbərliyi ilə qəbul olunan milli Konstitusiya, dövlət institutlarının qurulması, ordunun yaradılması, xarici siyasətdə balanslı kursun müəyyənləşdirilməsi və neft strategiyası Azərbaycanın müstəqil, suveren dövlət kimi möhkəmlənməsinin ideoloji və siyasi əsaslarını formalaşdırdı.Ulu Öndərin siyasi kursunun davamı olaraq Prezident İlham Əliyev müasir dövrdə dövlət suverenliyini daha da möhkəmləndirdi, onu regional və beynəlxalq miqyasda nümunəvi inkişaf modeli səviyyəsinə qaldırdı. 2020-ci ildə əldə olunan tarixi Zəfər – Qarabağın işğaldan azad olunması dövlət suverenliyinin bərpası, milli iradənin və dövlət ideologiyasının təntənəsi oldu. Bu qələbə suverenliyin yalnız hüquqi anlayış deyil, real siyasi və hərbi gücün ifadəsi olduğunu sübut etdi. 2023-cü il 19–20 sentyabr tarixlərində Azərbaycan Silahlı Qüvvələri tərəfindən həyata keçirilmiş lokal xarakterli antiterror əməliyyatı isə dövlət suverenliyinin bərpası prosesində son və həlledici mərhələ kimi tarixə düşdü. Müasir dövrdə qloballaşma prosesləri milli dövlətlərin suverenliyinə ciddi təzyiqlər göstərir. Lakin Azərbaycan nümunəsi göstərir ki, güclü siyasi iradə və xalqın milli həmrəyliyi ilə bu təzyiqlərə qarşı durmaq mümkündür.
Yeni Azərbaycan Partiyası İdarə Heyətinin üzvü, Azərbaycan Respublikası Milli Məclisinin deputatı Hikmət Məmmədov çıxış edərək bildirib ki, Azərbaycan xalqının müstəqilliyi və suverenliyi tarix boyu böyük mübarizələr bahasına qazanılıb. Bu mübarizənin ən parlaq nəticəsi Konstitusiya və milli dövlət quruculuğunun bərqərar olmasıdır. 20 Sentyabr – Dövlət Suverenliyi Günü xalqımızın iradəsinin və mübarizə əzminin təntənəsidir. Ulu Öndər Heydər Əliyev dövlətçilik tariximizdə xilaskar rolunu oynayaraq, müstəqilliyimizin əsaslarını möhkəmləndirdi. O, Azərbaycanın parçalanmaq təhlükəsini aradan qaldırdı və milli dövlətçiliyin güclənməsi üçün hüquqi bazanı formalaşdırdı. Ümummilli lider Heydər Əliyevin rəhbərliyi ilə 1995-ci ildə qəbul olunan Konstitusiya Azərbaycanın gələcək inkişafının əsasını qoydu. Onun müəyyənləşdirdiyi strateji xətt bu gün də siyasi həyatımızda yol xəritəsi kimi qalmaqdadır. Prezident İlham Əliyev bu böyük irsi davam etdirərək, Azərbaycanı regionun ən qüdrətli dövlətinə çevirdi. 44 günlük Vətən müharibəsində qazanılan qələbə dövlət suverenliyimizin əzəli və əbədi olduğunu təsdiqlədi. 2023-cü ilin sentyabrında keçirilən antiterror əməliyyatı isə Azərbaycanın ərazi bütövlüyünü tam bərpa etdi. Bu uğurlar xalq-iqtidar birliyinin və dövlət rəhbərliyinin qətiyyətli siyasətinin nəticəsidir. Konstitusiya və Suverenlik İli ölkəmizin bu tarixi nailiyyətlərinin ideoloji baxımdan möhkəmlənməsi üçün mühüm əhəmiyyət daşıyır. 20 Sentyabr tarixi yalnız keçmişin simvolu deyil, həm də gələcəyə inamın təcəssümüdür. Bu gün Azərbaycan dünyada öz sözünü deyən, nüfuzlu və güclü bir dövlət kimi tanınır. Prezident İlham Əliyev beynəlxalq münasibətlər sistemində Azərbaycanın mövqeyini möhkəmləndirərək, suverenliyi əbədi dəyər kimi qoruyur. Azərbaycanın gələcəyi məhz bu möhkəm təməllər üzərində qurulub. Dövlət suverenliyi və Konstitusiya xalqın iradəsinin birgə təntənəsidir. 20 Sentyabr isə bu təntənənin tarixi simvoludur.
Yeni Azərbaycan Partiyası Veteranlar şurasının üzvü, “91-lər”dən Şahlar Əsgərov çıxışında bildirib ki, xalqımız böyük qürur və fəxarət hissi ilə bu ili müəllifi ümummilli liderimiz Heydər Əliyev olan Milli Konstitusiyamızın qəbul edilməsinin 30-cu və Prezident, Müzəffər Ali Baş Komandanın rəhbərliyi ilə Vətən müharibəsində qazanılmış tarixi qələbəmizin 5-ci ildönümünü təntənə ilə qeyd edir. Bu məqsədlə Azərbaycan Respublikasının Prezidenti cənab İlham Əliyev 28 dekabr 2024-cü il tarixdə Azərbaycan Respublikasında 2025-ci ilin “Konstitusiya və Suverenlik İli” elan edilməsi haqqında sərəncam imzalayıb.Əminliklə deyə bilərik ki, mühüm tarixi əhəmiyyətə malik olan bu sərəncam tarixi Zəfərimizin regionda və dünya siyasətində yol açdığı yeniliklərin, eyni zamanda, 1995-ci ildə Milli Konstitusiyamızın qəbul edilməsindən ötən dövr ərzində Azərbaycanın hüquqi dövlət kimi möhkəmlənən mövqeyinin təqdimatında əsaslı rol oynayacaq. 2020-ci il sentyabrın 27-də Ermənistanın təxribatlarına cavab olaraq başlanmış Vətən müharibəsində tarixi qələbə və 2023-cü il sentyabrın 19–20-də həyata keçirilmiş uğurlu antiterror əməliyyatı nəticəsində ölkəmizin ərazi bütövlüyü və suverenliyi tam bərpa edilmiş, Azərbaycan Konstitusiyasının hüquqi qüvvəsi işğalın aradan qaldırıldığı bütün ərazilərdə bərqərar olmuşdur. Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə ölkəmiz tarixi Zəfərə imza atıb, ərazi bütövlüyümüz və suverenliyimiz bərpa olunub, Azərbaycan Konstitusiyasının hüquqi qüvvəsi işğaldan azad olunan bütün ərazilərdə bərqərar olub, Dövlət Bayrağımız əzəli torpaqlarımızda əzəmətlə dalğalanmaqdadır,
Azərbaycan Respublikası Milli Məclisinin deputatı Mahir Süleymanlı çıxışında vurğulayıb ki, dövlətçiliyin təməli Konstitusiya və suverenlik üzərində qurulur. Azərbaycan Konstitusiyası milli iradəmizin hüquqi ifadəsidir. 20 Sentyabr – Dövlət Suverenliyi Günü bu iradənin rəmzi kimi tarixdə əbədi yaşayır. Ulu Öndər Heydər Əliyev xalqı və dövləti parçalanmaq təhlükəsindən xilas edərək, dövlətçilik ənənələrini möhkəmləndirdi. Onun uzaqgörən siyasəti ilə Azərbaycan sabitlik və inkişaf yoluna qədəm qoydu. Ulu öndər Heydər Əliyevin müəyyənləşdirdiyi əsas istiqamətlər milli dövlətçiliyimizin əsas dayaqları oldu. Prezident İlham Əliyev bu ideyaları davam etdirərək, Azərbaycanın müstəqilliyini möhkəmləndiridi. 44 günlük Vətən müharibəsi suverenliyimizin qüdrətini bütün dünyaya göstərdi. 2023-cü ilin antiterror əməliyyatı isə separatizmin kökünün kəsilməsi ilə nəticələndi. Bu hadisələr Azərbaycan dövlətçiliyinin dönməzliyini təsdiq etdi. Konstitusiya və Suverenlik İli bu tarixi nailiyyətlərin mahiyyətini xalqa çatdırır. 20 Sentyabr həm də Azərbaycan xalqının milli qürurunun bayramıdır. Xalqımız öz Konstitusiyasını dövlətin və vətəndaşın hüquqlarının təminatı kimi uca tutur. Azərbaycan bu gün regionda sülhün və inkişafın aparıcı qüvvəsidir. Prezident İlham Əliyevin qətiyyətli siyasəti ilə dövlətimiz daha da möhkəmlənir. Dövlət suverenliyi xalqımızın varlığının təminatıdır. Tariximizin ağır sınaqlarından keçmiş müstəqilliyimizin və Suverenlik günümüzün dəyərini ölkəmizin hər bir vətəndaşı dərin dərk etməli və yaxşı bilməlidir. Bu, bizim şərəfli tariximizdir. Bu tarixə biz nəyi, necə və nə zaman etmək lazım olduğunu yaxşı bilən Prezident İlham Əliyevin rəhbərliyi altında nail olmuşuq.20 Sentyabr tarixi həm keçmişi, həm bu günü, həm də gələcəyi birləşdirir. Azərbaycan müstəqil dövlət kimi əbədi yaşayacaqdır. Bu gün milli iradənin təntənəsini bütün xalq birlikdə bayram edir.
Sonda çıxış edən Yasamal Rayon İcra Hakimiyyətinin Başçısı Elşad Həsənov bildirib ki, Azərbaycan xalqı üçün dövlət müstəqilliyi ən böyük dəyərdir. Bu dəyərin əsas təminatçısı isə suverenlik və konstitusiyadır. Azərbaycan xalqı üçün dövlət suverenliyi sadəcə hüquqi-siyasi anlayış deyil, əsrlər boyu davam edən milli azadlıq mübarizəsinin, qurbanların, fədakarlığın və qələbənin nəticəsidir. Prezident İlham Əliyevin 2024-cü il 19 sentyabr tarixli Sərəncamı ilə hər il 20 sentyabrın Dövlət Suverenliyi Günü kimi qeyd edilməsi bu tarixi gerçəkliklərin təntənəsi, xalqımızın milli iradəsinin dövlətçilik rəmzinə çevrilməsidir. Qeyd olunub ki, Ulu Öndər Heydər Əliyev Azərbaycan xalqının xilaskarı kimi tarixə düşdü. Onun apardığı siyasət müstəqilliyimizin möhkəm təməllər üzərində qurulmasına şərait yaratdı. Ulu öndər Heydər Əliyev milli ideologiyanı formalaşdıraraq xalq-iqtidar birliyini təmin etdi. Prezident İlham Əliyev isə bu siyasəti daha geniş miqyasda davam etdirərək Azərbaycanın nüfuzunu artırdı. 44 günlük Vətən müharibəsi bu siyasətin parlaq təntənəsi oldu. 2023-cü ilin antiterror əməliyyatı isə dövlət suverenliyimizin tam bərpasını təmin etdi. Bu uğurlar xalqımızın iradəsinin və Prezident İlham Əliyevin qətiyyətinin nəticəsidir. 20 Sentyabr günü hər bir vətəndaş üçün qürur və şərəf mənbəyidir. Azərbaycan bu gün öz müstəqil siyasəti ilə dünya dövlətləri arasında xüsusi yer tutur. Prezident İlham Əliyev milli maraqların qorunmasını dövlət siyasətinin əsas prinsipinə çevirib. Xalqımız suverenliyi əbədi dəyər kimi uca tutur. Bu gün Azərbaycan regionda sülhün və sabitliyin təminatçısıdır. Dövlət müstəqilliyi möhkəmləndikcə xalqın rifahı da artır. Konstitusiya və Suverenlik – milli iradənin təntənəsinin rəmzidir.
Çıxışlardan sonra fəxri fərmanlar, hədiyyələr və Partiya sıralarına yeni qoşulanlara üzvlük vəsiqələri təqdim edilib.
Sonda Yeni Azərbaycan Partiyasının Himni səsləndirilib, xatirə şəkli çəkdirilib.
15:52 19.09.2025
Oxunuş sayı: 9241
