Kanadada fəaliyyət göstərən “Azərbaycan post” qəzeti növbəti ugurunu qazandı
"Azərbaycan Post" qəzeti aylıq olaraq 32 səhifədə 5 000 tirajla Kanadada nəşr olunur. Qəzet hər ayın üçüncü cümə axşamı Toronto, Mississauqa, Skarboro, Thornhill, Riçmond Hill, Aurora, Nyumarket şəhərlərində yayılır. Ottava və Monreal şəhərlərində isə bir həftəlik gecikmə ilə oxucuların ixtiyarına verilir.
Bu günlərdə, Kanadada fəaliyyət göstərən “Azərbaycan post” qəzetinin növbəti ugurunu izlədik. Qəzetin səhifələrində dərc olunan tarix, mədəniyyət, iqtisadiyyat sahəsində ciddi elmi-tədqiqat xarakterli materialları dünya elmi informasiya məkanına inteqrasiya etmək məqsədi ilə nüfuzlu məlumat bazalarına daxil edilməsi xəbəri yayıldı. Xəbərdə deyilir: -“Azərbaycan Post” qəzetinin beynəlxalq elmi nüfuzunun artırılması: CrossRef-a üzvlük və Kanada Milli Kitabxanası və Arxivində rəqəmsal qeydiyyatına daxil olunması həyata keçirilib”.
“Azərbaycan Post” qəzeti iftixarla bildirir ki, elmi və nəşriyyat fəaliyyəti sahəsində peşəkarlıq və inkişaf yolunda atdığı inamlı addımlar çərçivəsində, beynəlxalq “Crossref” təşkilatına rəsmi üzv olmuş və eyni zamanda Kanadanın Milli Kitabxana və Arxiv İdarəsi tərəfindən rəqəmsal versiyası üçün beynəlxalq standart seriya nömrəsi (ISSN Online) əldə etmişdir.
Bu iki mühüm nailiyyət, “Azərbaycan Post” qəzetinin beynəlxalq elmi nəşr standartlarına sadiqliyini göstərməklə yanaşı, Azərbaycan türklərinin zəngin mədəni, tarixi və ədəbi irsini tədqiqat və analitik məqalələr vasitəsilə tanıtmaq üçün yeni perspektivlər açır. Bu iki strateji uğur, “Azərbaycan Post” qəzetini beynəlxalq nəşriyyat standartlarına, elmi keyfiyyətə və qlobal nüfuza uyğun yeni bir mərhələyə yüksəltmişdir.
Redaksiya heyətini, bu prosesdə əməyi keçən bütün əməkdaşları, müəlliflərı və dəyərli oxucuları təbrik edir, bu nailiyyətlərin, “Azərbaycan-post” qəzetinin milli və beynəlxalq səviyyədə elmi təsirini artırmaq yolunda yeni bir mərhələnin başlanğıcı olduguna inanırıq.
Məlumat üçün bildirək ki, “Azərbaycan Post” qəzeti Azərbaycan türklərinin dili, tarixi, mədəniyyəti və incəsənətini tanıtmaq və təbliğ etmək məqsədi ilə türk, ingilis və fars dillərində nəşr olunur. Qəzetdə daimi olaraq Güney Azərbaycan türklərinin milli mədəni haqları, tələblərinin dəstəklənməsi də öz əksini tapır.
Oxucular "Azərbaycan Post" aylıq qəzetindən başqa bütün sosial şəbəkə platformaları, o cümlədən "website", "Facebook", "Instagram", "Telegram", üzərindən ən son xəbərləri, qəzet müəlliflərinin və tədqiqatçıların ən son araşdırmaları, məqalələri, təhlillərini izləyə bilirlər.
Xatırladaq ki, “Heydərbaba” qəzeti olaraq xaricdə güney azərbaycanlıların ilk rəsmi jurnalı kimi 2008-cu ildən fəaliyyətə başlayıb və 2023-cu ildə “azərbaycan-post” olaraq aylıq fəaliyyət göstərməyə başlayıb. 2011-ci ildə Kanada Milli Mətbuat Şurasına üzv olmaqla, beynəlxalq seriya nömrəsi(İSSN Çap) alıb.
Qəzet 2019-ci ilə kimi iş adamlarının reklam dəstəyi ilə nəşr olunub. Lakin koronavirus pandemiyası yayıldıqdan sonra qəzet maddi səbəblərdən nəşrini dayandırmışdı.
https://azerbaijanpost.org/ saytına müraciət edə bilərlər.
16:23 26.06.2025
Oxunuş sayı: 6751
