Azərbaycanın milli mətbəxi Rumıniyada təbliğ olunub
Türkiyənin Rumıniyadakı səfirliyi və Yunis Əmrə İnstitutunun Buxarest filialının birgə təşkilatçılığı ilə Buxarestdə keçirilən IV Türk mətbəxi həftəsində ölkəmiz təmsil olunub. Rumıniya Milli Teatrında baş tutan təqdimatda Azərbaycanın Rumıniyadakı səfirliyinin təşkilatçılığı ilə milli mətbəximizin ən dadlı təamları qonaqlara təqdim edilib.
Milli yeməklərimiz və şirniyyatlarımız, xüsusilə “Şah plov”un təqdimatı qonaqlar tərəfindən böyük maraqla qarşılanıb.
Qeyd edək ki, 2022-ci ildən etibarən Türkiyənin birinci xanımı Əminə Ərdoğanın təşəbbüsü və himayəsi altında hər il Türkiyədə, o cümlədən bütün dünyada təşkil edilən Türk mətbəxi həftəsi bu il “Türk mətbəxinin klassik yeməkləri”nə həsr olunub. (Azərtac)
08:45 30.05.2025
Oxunuş sayı: 7570
