Oğuzda yol qəzasında xəsarət alan sürücü xəstəxanada vəfat edib
Oğuzda bir neçə gün əvvəl yol qəzasında xəsarət alan sürücü dünyasını dəyişib. 1996-cı il təvəllüdlü Kənan Rəhman oğlu Əzizov həkimlərin səyinə baxmayaraq, müalicə aldığı Şəki Rayon Mərkəzi Xəstəxanasında vəfat edib.
Xatırladaq ki, hadisə mayın 3-də Oğuz-Bayan avtomobil yolunun Bayan kəndindən keçən hissəsində baş verib. Belə ki, “Toyota Prius” markalı avtomobilin idarəetmədən çıxaraq maneəyə çırpılması nəticəsində nəqliyyat vasitəsindəki sərnişin – 2000-ci il təvəllüdlü Oğuz rayon sakini Urfan Namiq oğlu Məcidov hadisə yerində ölüb. Sürücü, 1996-cı il təvəllüdlü Kənan Rəhman oğlu Əzizov isə ağır xəsarət alıb.
Yaralı Oğuz Rayon Mərkəzi Xəstəxanasına yerləşdirilib.
Hadisə ilə bağlı araşdırma aparılılır. (Report)
09:01 06.05.2025
Oxunuş sayı: 550
