Əməkdar artist Kəmalə Müzəffər "Sənətkar" medalı ilə təltif olunub
Azərbaycan Dövlət Milli Gənc Tamaşaçılar Teatrının tanınmış aktrisası, Əməkdar artist Kəmalə Müzəffər Azərbaycan Teatr Xadimləri İttifaqının "Sənətkar" medalı ilə təltif edilib.
Martın 10-da Akademik Milli Dram Teatrında keçirilən Milli Teatr Gününə həsr olunmuş tədbirdə sənətçi bu mükafata layiq görülüb. Medal teatr sənətinin inkişafında göstərdiyi xidmətlərə və peşəkar yaradıcılığına görə təqdim olunub.
Qeyd edək ki, Kəmalə Müzəffər uzun illərdir teatr və kino sahəsində fəaliyyət göstərir. O, səhnədə yaratdığı yaddaqalan obrazlarla tamaşaçıların rəğbətini qazanıb və Azərbaycan teatr sənətinə əvəzsiz töhfələr verib.
Bu mükafat münasibətilə aktrisanı təbrik edir, ona yeni yaradıcılıq uğurları arzulayırıq!
Ayan Sədi
15:21 12.03.2025
Oxunuş sayı: 17358
