Mask Baş nazirə söz verdi - Bu dövr artıq başa çatıb
Slovakiyanın Baş naziri Robert Fico, ABŞ Dövlət İdarəçiliyinin Effektivliyi Departamentinin (DOGE) rəhbəri İlon Mask ilə ABŞ-ın Beynəlxalq İnkişaf Agentliyinin (USAID) bağlanması məsələsini müzakirə etdiyini bildirib. O, ABŞ-ın digər ölkələrin işlərinə müdaxilə üçün maliyyələşdirmə ilə maraqlanmadığını qeyd edib. Bu barədə "Prime" agentliyi məlumat yayıb.
“Biz USAID-in bağlanmasını müzakirə etdik. Bu, Amerika agentliyidir və Slovakiyada qeyri-hökumət təşkilatlarına və KİV-ə kifayət qədər böyük maliyyə vəsaiti ayırırdı. Nəticədə bu anti-hökumət KİV-lər və müxtəlif anti-hökumət təşkilatları hökumət əleyhinə fəaliyyət göstərirdilər… Mask bizi əmin etdi ki, bu dövr artıq başa çatıb, çünki ABŞ-ın yeni prezidenti administrasiyası Amerika pulları vasitəsilə digər ölkələrin daxili işlərinə müdaxilə etməklə maraqlanmır”, – Fico video-müraciətində bildirib.
Bundan əvvəl Fico Maskdan USAID-in Slovakiyada maliyyələşdirdiyi və potensial olaraq siyasi məqsədlər üçün istifadə edilən layihələr barədə məlumat təqdim etməsini xahiş etmişdi.
07:57 22.02.2025
Oxunuş sayı: 6921
