Slovakiyanın Baş naziri Fransanın narahatlığını bölüşmədiyini bildirib
Slovakiya Baş naziri Robert Fico bildirib ki, Slovakiyanın Parisdə keçirilən qeyri-rəsmi sammitlərdə edəcəyi heç nə yoxdur: "Bu gün Parisdə ‘müharibə dostlarının’ görüşü keçirilir," - deyə o, Facebook səhifəsində yerləşdirdiyi video müraciətində bildirib. "Bənzər bir görüş bazar ertəsi də baş tutmuşdu. Bu kontekstdə mən Avropa Şurasının prezidenti Antonio Kosta ilə telefon danışığı apardım. Ona açıq şəkildə dedim ki, Slovakiyanın belə ‘döyüş’ görüşlərində iştirakı yersizdir, çünki Avropa Şurasının iclaslarında Slovakiyanın nümayəndəsi kimi həmişə müharibə ilə bağlı fərqli mövqe bildirmişəm və slavyanların Ukraynada qarşılıqlı qırğınlarına son qoyulmasına və sülhün təmin olunmasına diqqət yetirmişəm."
Ficonun sözlərinə görə, Paris görüşləri Avropanın “beyhude narahatlığından” irəli gəlir. Onun fikrincə, bütün Aİ liderlərinin iştirakı ilə növbəti rəsmi sammit keçirmək və “2025-ci ilin fevralında dünyanın 2024-cü ilin dekabrında olduğundan fərqli olduğunu” qəbul etmək daha məqsədəuyğun olardı.
09:11 20.02.2025
Oxunuş sayı: 2664
