Marko Rubio: "Tramp Ukrayna münaqişəsini ədalətli şəkildə başa çatdırmaq istəyir"
ABŞ Prezidenti Donald Tramp Ukraynadakı münaqişəni ədalətli şəkildə həll etmək və onun gələcəkdə təkrarlanmamasını təmin etmək niyyətindədir. Bu barədə ABŞ-ın dövlət katibi Marko Rubio Ər-Riyadda aparılan danışıqlardan sonra bəyanat verib.
Rubio bildirib ki, münaqişənin sona çatması ABŞ və Rusiya arasında əməkdaşlıq üçün yeni imkanlar yarada bilər. O, həmçinin vurğulayıb ki, Avropa İttifaqı danışıqlara cəlb olunmalıdır, çünki məhz bu qurum Rusiyaya qarşı sanksiyalar tətbiq edib.
Dövlət katibi əlavə edib ki, gələcək danışıqların uğuru tərəflərin öz öhdəliklərini yerinə yetirməyə nə dərəcədə hazır olmasından asılı olacaq.
19:20 18.02.2025
Oxunuş sayı: 3028
