NATO rəsmisi: ABŞ Avropadan qoşunlarının bir hissəsini çıxara bilər
NATO-nun Hərbi Komitəsinin sədri Cüzeppe Kavo Draqone ABŞ-ın Avropadakı qoşunlarının bir hissəsini çıxara biləcəyini, lakin tamamilə alyansdan ayrılmayacağını istisna etməyib. Bu barədə Bloomberg məlumat yayıb.
Onun sözlərinə görə, Vaşinqton NATO-dan çıxmağı planlaşdırmasa da, Avropadan müəyyən qüvvələrini geri çəkmək ehtimalı mövcuddur. Bunun səbəbi isə ABŞ-ın Sakit okean regionundakı öhdəlikləridir. Lakin Draqone ABŞ-ın Avropadakı hərbi kontingentində ciddi azalma gözləmədiyini vurğulayıb.
NATO rəsmisi, həmçinin Avropa ölkələrinin müdafiə xərclərini artırmalı olduğu fikri ilə razılaşaraq, bu sahədə balanssızlığın mövcud olduğunu bildirib. O, Avropanın öz müdafiəsini müstəqil təmin edə bilməyəcəyi iddiasını rədd edərək, ABŞ qüvvələrinin mümkün çıxarılmasından sonra yaranacaq boşluqların Avropa hərbçiləri tərəfindən doldurulmalı olduğunu qeyd edib.
19:37 17.02.2025
Oxunuş sayı: 2969
