Türkiyə Dəməşq hava limanında
Dəməşq hava limanının təmiri üçün Türkiyədən gedən 25 nəfərlik texniki qrup Suriyada işə başlayıb.
Crossmedia.az “Trt Haber”ə istinadla xəbər verir ki, bu barədə Türkiyənin nəqliyyat naziri Abdulkadir Uraloğlu məlumat verib.
O, hava limanının daha təhlükəsiz xidmət göstərməsi üçün tədbirlərinin artırıldığını vurğulayıb.
“Türkiyədən Dəməşq hava limanına 10 rentgen cihazı, 4 partlayıcı iz detektoru, 10 qapı tipli metal detektoru və 8 əl detektoru gətirilib.
Komandalarımız Suriya rəsmiləri ilə koordinasiyada çalışaraq bu cihazların əksəriyyətinin quraşdırılmasını başa çatdırıb. Dəməşq hava limanının təhlükəsizlik səviyyəsinin artırılması üçün araşdırmalar davam edir, çatışmazlıqların aradan qaldırılması üçün lazımi hesabatlar hazırlanır",- deyə o bildirib.
Nəzrin Salmanova
16:11 16.02.2025
Oxunuş sayı: 8369
