Husi lideri: ABŞ və İsrail eskalasiyaya yol verərsə…
Biz sazişin icrasına nəzarət edirik. Müqavilənin pozulmasını və fələstinlilərə qarşı yeni eskalasiyanı gördükdə onlara dəstək olmaq üçün hərbi müdaxilə edəcəyik.
Crossmedia.az “Israel HaYom” qəzetinə istinadla xəbər verir ki, bu barədə Yəmənin “Ənsar Allah” (husi) üsyançı hərəkatının lideri Əbdül Malik əl-Husi Həmas və İsrail arasında davam edən danışıqlarda böhranla bağlı çıxışında deyib.
"ABŞ və İsrail eskalasiyaya yol verərsə, bunun bölgənin təhlükəsizliyi üçün böyük fəsadları olacaq. Əgər ABŞ və İsrail Trampın təhdidinə əsaslanaraq Qəzzaya doğru hərəkət edərlərsə biz dərhal hərbi əməliyyatlara başlayacağıq. Həm İsrailə, həm də ABŞ-yə hücum etməkdən çəkinməyəcəyik”,- deyə o bildirib.
Nəzrin Salmanova
22:25 13.02.2025
Oxunuş sayı: 5581
