Əsəd Suriya ilə vidalaşır
Sabiq Suriya prezidenti Bəşər Əsəd Dəməşqi öz istəyilə tərk etməyib. O, gözlənilməz bir Rusiya rəsmisinin təzyiqi ilə ölkədən ayrılmaq məcburiyyətində qalıb. Belə ki, Əsədin böyük oğlu Hafiz ailəsinin Suriyadakı son saatları barədə danışıb.
Crossmedia.az xəbər verir ki, bu barədə xarici KİV məlumat yayıb.
Onun sözlərinə görə, 2012–2013-cü illərdə Dəməşq ağır bombardmanlara məruz qalsa da, Əsəd ailəsi şəhəri tərk etməyi planlaşdırmayıb. Lakin 2024-cü il dekabrın 7-də Rusiya rəsmisi Bəşər Əsədə Dəməşqi tərk edərək Latakiyaya getməyi israrla tövsiyə edib. Bir neçə saat sonra ailə Rusiya hərbi qüvvələrinin Hmeymim bazasına yola düşüb.
Qeyd edək ki, Moskvada aparılan məsləhətləşmələrdən sonra Əsəd ailəsinin təcili olaraq Rusiyaya köçürülməsinə qərar verilib.
Fatimə Məmmədova
22:17 13.02.2025
Oxunuş sayı: 7008
