Yunanıstanın Anafiya adasında fövqəladə vəziyyət elan edilib
Egey dənizində bir-birinin ardınca baş verən zəlzələlərdən sonra Yunanıstanın Anafiya adasında fövqəladə vəziyyət elan edilib.
Crossmedia.az xəbər verir ki, Yunanıstan Dövlət Televiziyası ERT-in yaydığı məlumata görə, Afina Universitetinin Seysmoloji Laboratoriyası tərəfindən bölgədə 12 800-dən çox zəlzələ aşkar edilib.
Zəlzələnin baş verdiyi Santorini adasında sürüşmə müşahidə olunub.
Səlahiyyətlilər yanvarın 26-dan bəri zəlzələlərdən əziyyət çəkən adanı ən azı 11 min insanın tərk etdiyini bildirib.
Yunanıstanın İqlim Böhranı və Mülki Müdafiə Nazirliyindən verilən açıqlamaya görə, bölgədə davam edən yeraltı təkanlar sürüşmə və qaya uçma riskini artırdığı üçün Santorini adasında martın 1-dək fövqəladə vəziyyət elan edilib.
21:57 13.02.2025
Oxunuş sayı: 6679
