Konqoda hücumlar nəticəsində 3000-dən çox insan ölüb
Konqo Demokratik Respublikasının (KDR) şərqində yerləşən Qoma şəhərini ələ keçirən M23 qruplaşmasının hücumları nəticəsində indiyədək 3000-dən çox insan həlak olub, 3000-dən çox insan isə yaralanıb.
Crossmedia.az xəbər verir ki, bu barədə KDR hökumətinin yüksəkvəzifəli rəsmisi məlumat verib.
Ölkənin Rabitə və Media naziri, hökumət sözçüsü Patrik Muyaya Katembwe X sosial şəbəkə platformasında M23 qruplaşmasını bir sıra ağır cinayətlərdə ittiham edib:
“3000-dən çox insan ölüb, 3000-dən çox insan yaralanıb; məcburi köçkünlər üçün sığınacaqlar bombalanıb, mülki şəxslərə və BMT sülhməramlılarına hücumlar edilib, kütləvi edamlar həyata keçirilib, azyaşlılar zorla döyüşçü kimi cəlb olunub.”
Qeyd edək ki, M23 qruplaşması uzun müddətdir KDR hökumətinə qarşı silahlı mübarizə aparır və son həftələrdə şərq bölgəsində hücumlarını intensivləşdirib.
Fidan Hacızadə
08:27 08.02.2025
Oxunuş sayı: 2392
