Xarici xəbərlər

İsrail BMT agentliyini Qüdsdən çıxarır

İsrail hakimiyyəti BMT-nin Fələstinli Qaçqınlara Yardım və İşlərin Təşkili üzrə Yaxın Şərq Agentliyi yanvarın 30-dək Qüdsü tərk etməyi əmr edib. Bu barədə İsrailin BMT-dəki daimi nümayəndəsi Denni Danon deyib.

Danon BMT-nin Baş Katibi Antonio Quterreşə ünvanladığı məktubda bildirib ki, agentlik 30 yanvar 2025-ci il tarixindən gec olmayaraq Qüdsdəki fəaliyyətini dayandırmağa və şəhərdə fəaliyyət göstərdiyi bütün binaları boşaltmağa borcludur.

Agentliyin fəaliyyətinin qadağan edilməsi haqqında qanun 28 oktyabr 2024-cü ildə İsrail parlamenti (Knesset) tərəfindən səs çoxluğu ilə qəbul edilib. Onun qəbul edilməsinə səbəb qurumun “HƏMAS”la əməkdaşlıq etməsi ilə bağlı ittihamlar olub. (report)

🖨 Çap et

06:21 25.01.2025

Oxunuş sayı: 7525