Taleyini NATO-ya bağlamağına dəyərmi? - Zaxarovadan maraqlı sual
NATO-nun Brüsseldə keçirilən Hərbi Komitəsinin iclasında iştirak edən üzv dövlətlər öz talelərini bu hərbi blokla bağlamağın nə dərəcədə məqsədəuyğun olduğunu nəzərdən keçirməlidir. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Crossmeia.az TASS-a istinadən xəbər verir ki, Ayın əvvəlində NATO Hərbi Komitəsinin sədri, admiral Rob Bauer bildirmişdi ki, Ermənistan, Qazaxıstan, Azərbaycan, Ukrayna və digər 23 tərəfdaş dövlətin Baş Qərargah rəisləri Brüsseldə keçirilən iclasda iştirak edib.
“Biz həmin tədbirdə iştirak edən və hələ NATO-nun toruna düşməmiş, özlərini qondarma ‘qızıl milyard’ maraqlarına xidmət etməyi öhdəsinə götürməmiş ölkələri milli maraqlarını nəzərdən keçirməyə və öz talelərini onilliklər boyu aqressiya, müharibələr, münaqişələr, dağıdılmış dövlətlər və milyonlarla mülki itkilər təcrübəsinə malik hərbi blokla bağlamağa dəyərmi, bunu düşünməyə çağırırıq,” — deyə Zaxarova qeyd edib.
Zaxarova əlavə edib ki, NATO üzvlərinin təklif etdiyi əməkdaşlıq sxemi dəyişməz olaraq qalır, lakin “belə eksperimentlər” nəticədə NATO-nun digər ölkələrin daxili işlərinə müdaxiləsinə, xarici siyasətin dəyişdirilməsinə, saxta dəyərlərin zorla qəbul etdirilməsinə və milli kodun məhv edilməsinə gətirib çıxarır.
“NATO-nun potensial tərəfdaşlarını əvvəlcə müdafiə və təhlükəsizlik sahələrində islahatların zəruriliyinə inandırırlar, təbii ki, bu sahədə dəstək verirlər, daha sonra NATO standartlarını tədricən tətbiq edirlər. Daha sonra onlar silahlı qüvvələr, hüquq-mühafizə orqanları daxilində hərəkət etməyə başlayır və təhsil vasitəsilə Qərbyönümlü elita formalaşdırırlar,” — deyə Zaxarova bildirib.
Nərgiz Camalzadə
21:08 23.01.2025
Oxunuş sayı: 10593
