Bu il ölkəyə yeni vaqonlar gətiriləcək
Bu il 20 ədəd yeni metro vaqonunun gətirilməsi planlaşdırılır.
Bunu bu gün nəqliyyat sahəsində 2024-cü ildə həyata keçirilən tədbirlər və 2025-ci il üçün planlar mövzusunda keçirilən mətbuat konfransında Rəqəmsal İnkişaf və Nəqliyyat nazirinin müavini Rəhman Hümbətov deyib.
O bildirib ki, ötən il metro ilə daşınan sərnişin sayı 230 milyon olub:
"Bu metro ilə sərnişindaşımada rekord göstəriciyə yaxındır".
Qeyd edək ki, "Qlobalnıye Transportnıye Reşeniya" MMC ilә "Bakı Metropoliteni" QSC arasında bağlanmış müqavilәyә әsasәn, 2024-2026-cı illәr әrzindә 65 yeni vaqonun (13 qatar tәrkibi) istehsal edilәrәk Bakı metropoliteninә gәtirilmәsi nәzәrdә tutulub.
Hәmin müqavilәyә uyğun olaraq, 2024-cü ildә 35 (7 qatar tәrkibi), 2025-ci ildә 20 (4 qatar tәrkibi), 2026-cı ildә isә 10 vaqon (2 qatar tәrkibi) istehsal edilməlidir. (trend)
07:00 10.01.2025
Oxunuş sayı: 8112
