İsrailin Qəzzaya hücumları Berlində etirazla qarşılanıb
Yüzlərlə insan Fələstinə dəstək və İsrailin Qəzzaya hücumlarına etiraz etmək üçün Almaniyanın Berlin şəhərinin Şöneberq rayonundakı meydana toplaşıb .
Buradan yürüş edən nümayişçilər “Qatil İsrail”, “ Fələstinə azadlıq”, “İsrail terror dövlətidir”, “Minlərləyik, milyonlarıq, hamımız fələstinliyik”, “Uşaq qatili İsrail” və s. şüarlar səsləndiriblər.
Nümayişçilər əllərində Fələstin bayraqları və "Qəzzada soyqırımı dayandır", "İsrail, tikəcəyin heç bir divar sizin vəhşi işğalınızın və uşaq soyqırımınızın izlərini gizlədə bilməyəcək", "İsraili boykot edin" və "Sionizm məğlub olacaq" sözləri yazılmış lövhələr və plakatlar daşıyıblar.
Yürüş zamanı intensiv təhlükəsizlik tədbirləri görən nümayişçilərlə polis arasında vaxtaşırı toqquşmalar baş verib, azı 9 nəfər saxlanılıb.
İsrailyönlü qrup İsrail bayraqlarını açaraq yürüşü təhrik etməyə çalışıb.
Yürüş boyunca binaların pəncərələrindən nümayişçilərə dəstək verən çoxlu sayda insan görünüb.
04:14 05.01.2025
Oxunuş sayı: 13050
