Konsuldan maraqlı açıqlama: Rusiya və Çin arasında münasibətlər...
Rusiyanın Şenyanqdakı baş konsulu Natalya Prıjkova bildirib ki, diplomatiya Rusiya və Çin arasında ikitərəfli qarşılıqlı fəaliyyətin əsas sütunu və əlamətidir. Corssmedia.az bu barədə RİA Novosti-yə istinadən xəbər verir.
Onun sözlərinə görə, Rusiya-Çin münasibətləri bərabərlik və qarşılıqlı etimad, ərazi iddialarından imtina prinsiplərinə əsaslanır. Bundan əlavə, ölkələr suverenlik, təhlükəsizlik və inkişaf kimi əsas məsələlərdə bir-birini dəstəkləyir.
“Rusiya və Çin arasında ikitərəfli qarşılıqlı fəaliyyətin əsas sütunu və əlaməti, əlbəttə ki, iki ölkə liderlərinin diplomatiyasıdır”, - deyə baş konsul bəyan edib.
Bundan əvvəl Çin Xalq Respublikasının sədri Si Cinpin Rusiya prezidenti Vladimir Putinlə birlikdə Çin və Rusiya Federasiyası arasında münasibətləri möhkəmləndirməyə hazır olmasından danışıb.
23:37 04.01.2025
Oxunuş sayı: 6223
