Zelenski ümid edir ki, Tramp Rusiya ilə müharibəyə son qoya bilər
Ukrayna prezidenti Vladimir Zelenski ümid etdiyini bildirib ki, ABŞ-ın yeni seçilmiş prezidenti Donald Tramp Rusiya ilə müharibəni dayandırmağa kömək edə bilər. Yanvarın 20-də vəzifəyə başlayacaq Tramp hakimiyyətə gəldikdən sonra təxminən üç il davam edən münaqişəni “24 saata” bitirəcəyini söyləyib. Bu iddia Kiyevin sülh üçün torpaqlarından imtina etməyə məcbur olacağı rəylərini yaradıb.
“O, çox güclüdür və gözlənilməz hərəkətlər edə bilir. Mən prezident Trampın bu hərəkətləri Rusiyaya qarşı etməsini istərdim. İnanıram ki, o, həqiqətən də müharibəni bitirmək istəyir”, – Zelenski Ukrayna televiziyasına müsahibəsində deyib.
Ukrayna lideri, ABŞ-ın həyati əhəmiyyətli hərbi yardımı ləngitməsi və ya tamamilə dayandıra biləcəyi qorxusu fonunda seçiləndən bəri Trampla, komandası ilə körpülər qurmağa çalışır. Zelenski deyib ki, Tramp müharibədə “həlledici” ola bilər: “O, Putini dayandırmağa qadirdir və ya daha ədalətli desək, bizə Putini dayandırmağa kömək edə bilər. O, bunu bacarar".
Zelenski bildirib ki, Ukrayna üçün ədalətli sülhə nail olmaq müttəfiqlərdən möhkəm təhlükəsizlik zəmanəti almaq, Aİ-yə və NATO-ya qoşulmaq üçün dəvət almaq deməkdir. Rəsmi Moskva isə bu məsələləri rədd edir.
03:31 03.01.2025
Oxunuş sayı: 19910
