İsrail Hələbin Sefire bölgəsinə hava zərbələri və eniş əməliyyatı həyata keçirib
İsrail qüvvələri hava hücumu ilə Sefire bölgəsindəki hava hücumundan müdafiə bazasını və 404 nömrəli anbarı hədəfə alıb. İlkin məlumatlara görə, bölgəyə təqribən on hava zərbəsi endirilib, ölən və yaralananlar var.
İsrail ordusunun əsgərləri təyyarələrlə endirmə əməliyyatı həyata keçirərkən, bölgədə olan silahlı qruplarla qarşıdurma yaşanır. Sefire bölgəsində devrilmiş Bəşər Əsəd rejimindən qalan müdafiə sənayesi obyektləri və hərbi araşdırma mərkəzi var.
Noyabrın 27-də Suriyada şiddətlənən toqquşmalardan sonra və dekabrın 8-də 61 illik Baas rejiminin süqutu ilə eyni vaxtda İsrail ordusunun bu ölkəyə hücumları da artıb. Rejim ordusundan qalan hərbi infrastruktur və obyektləri dağıtmağa başlayan İsrail ordusu Suriyanın Colan təpələrindəki işğalını genişləndirib. Colan təpələri ətrafındakı bufer zonasına daxil olan İsrail ordusu işğalı daha da genişləndirərək paytaxt Dəməşqin 25 kilometrliyinə yaxınlaşıb. İsrail 1967-ci ildən Suriyanın Colan təpələrini işğal edib. Bufer zonanın və demilitarizasiya zonasının sərhədləri 1974-cü ildə İsrail ilə Suriya arasında imzalanan Qüvvələrin Çıxarılması Müqaviləsi ilə müəyyən edilib.
01:11 03.01.2025
Oxunuş sayı: 12119
