Avropa İttifaqı Nigerdəki səfirini Brüsseldə məsləhətləşmələr aparmaq üçün geri çağırıb.
Crossmedia.az xəbər verir ki, bu barədə Avropa Xarici Fəaliyyət Xidmətinin məlumatında deyilir.
Bu qərara səbəb Niger keçid hökumətinin ölkədə irimiqyaslı daşqın qurbanlarına göndərilən humanitar yardımın Aİ-nin idarəçiliyini şübhə altına alan bəyanatı olub.
Aİ qeyd edib ki, Niger hakimiyyətinin hərəkətləri humanitar yardım məsələsinin siyasiləşdirilməsindən xəbər verir ki, bu, təbii fəlakətlərin qurbanlarına göstərilən əməkdaşlıq və dəstək ruhuna ziddir.
Aİ səfiri məsləhətləşmələr tamamlanana və Nigerlə bağlı gələcək fəaliyyət qiymətləndirilənə qədər Brüsseldə qalacaq.
Gültac Mehdizadə
