Araşdırmaçılar Nature jurnalında DNT kimi sıx mühitlərdə məlumat kodlama sürətini artırmaq üçün molekulyar səviyyədə hərəkətli yazı texnikasını tətbiq etdiklərini açıqlayıblar. Bu metod, həyati məlumatların uzun müddət saxlanmasını daha ucuz hala gətirərək, DNT-da məlumat saxlama sahəsində inqilab edə bilər.
Altos Labs-dəki mütəxəssis Kun Zhang: "Bu metod, fikrin tətbiq oluna biləcəyini göstərir",- deyir. Tək bir qram DNT, 215 petabayta qədər məlumat saxlaya bilir, bu da 10 milyon saatlıq video üçün kifayətdir. DNT-nin uzun müddət dayanıqlılığı, ənənəvi sabit disklərə nisbətən üstünlük təqdim edir.
Ancaq məlumat yazılması prosesi hələ də ləngidir, çünki tək-tək hərf sintezi tələb edir. Pekin Universitetindən Long Qian: "DNT yazıcıları sabit disklərlə müqayisədə yavaşdır",- deyir. Onlar, uzun tək sarmallı DNT parçaları və 24 əsas uzunluğunda qısa DNT blokları hazırlayaraq işləri sürətləndirməyə çalışıblar.
Məlumat metilasyon prosesi ilə 0 və 1 ilə kodlanıb və oxunma mümkün olub. Araşdırmaçılar, yüksək keyfiyyətli şəkilləri yazıb oxumağı bacarıblar. Qian: "Məlumat yazma maliyyəti hazırda bit başına 0,003 dollardır, lakin metodu ticariləşdirsək, xərcləri azalda bilərik",- deyir. Yeni metod gündə 2 terabayta qədər məlumat yaza bilər.
Gələcək planları arasında DNT şablonlarına başqa kimyəvi işarələr əlavə edərək prosesi sürətləndirmək var. Uğurlu olsalar, hərəkətli yazı texnikası tarixin deyil, gələcəyin də mühüm ixtiralarından biri ola bilər.
Elnurə Kərimova
