Ağ Ev “Utanc Divarı” ilə saxta xəbərlər yayan media qurumlarını açıqlayıb
Ağ Evin mətbuat katibi Kerolin Levitt bildirib ki, Tramp administrasiyası Ağ Evin rəsmi saytında virtual “Utanc Divarı” yaradaraq saxta xəbərlər yaydığı müəyyən edilən media qurumlarının siyahısını dərc edib.
Crossmedia.az xəbər verir ki, Levitt bunu özünün X hesabında paylaşıb.
“Tramp administrasiyası insanları saxta xəbərlərə görə əvvəllər heç vaxt edilməmiş şəkildə məsuliyyətə cəlb edir”.
“Utanc Divarı”nda media qurumlarının siyahıya salınmasının səbəbləri, həmin qurumların jurnalistləri və nəşrləri ilə birlikdə açıqlanıb. Siyahıya The Washington Post, Axios və CNN kimi nüfuzlu media qurumları da daxildir, - deyə qeyd edilib.
Nəzrin Abbas
13:30 29.11.2025
Oxunuş sayı: 972
